isang makabuluhang eleksyon para sa pagbabago

Mayo 14, 2007, ang araw ng eleksyon, kung saan pipili tayo ng kakatawan sa ating mga manggagawa sa mga posisyon ng gobyerno.

Gawin natin itong makabuluhan. Makapili sana tayo ng mga karapat-dapat sa posisyon na kanilangnais luklukan at hindi sa pansariling interes lamang. Sino pa man ang piliin natin, isipin natin na sila ay binoto natin dahil sa mga katangian at linis ng kanilang layunin at mga isyu na kanilang tinitindigan. Hindi dapat iboto ng mga pulitiko na hindi magsisilbi sa interes ng mamamayang Pilipino.

Kaya ang TMPCWA ay nagpapahayag ng mahigpit na pag-eendorso sa ANAK-PAWIS PARTYLIST, para katawanin ang mga manggagawa at maralita sa Kongreso. naniniwala ang TMPCWA na ang lahat ng katangiang inaasahan natin ay taglay ng Party List ng Masa ang ANAK-PAWIS.

MULING IBOTO PARA SA KONGRESO ANG PARTIDO ANAK-PAWIS!

isang tipikal na summer outing sa Toyota

natapos ang summer outing pero katulad ng dati ay madaming issue ang ating natunghayan na para bang hindi na mawala-wala sa kultura ng toyota. kaya natin ito pinag-usapan sapagkat gusto natin mapalitan ang masasamang kulturang nakasanayan na patuloy na namamayani sa pagawaan ng toyota, hindi upang siraan ang kumpanya, ngunit upang ituwid ang masamang kaugalian na ating nakagisnan na.


gawa na rin na madalas tini-tolerate ito ng kumpanya. siguro dahil sa hindi niya masyadong binibigyan ng kaukulang atensyon ang mga bagay na ito. partikular din dahil sa mga "bata"niya ang karaniwang pinagmumulan ng mga insidenteng ito.

simulan natin ang naging kaganapan noong outing. dumating ang mga team member na magsasaya sa lugar na pagdadausan ng summer outing ngunit mukhang hindi napaghandaan mabuti, katulad ng mga nagdaan pang mga summer outing. isang reklamo ng mga dumalo na hindi sapat ang almusal na inihanda sa kanila. almusal ang pinaka-importante pagkain para sa atin dahil dito tayo kumukuha ng lakas para sa simula ng mga gawain sa araw. pero sapat ba na ang handa ay gulaman at suman lamang sa almusal?

ang pagsasa-ayos ng assignment ng cottages ay naging problema din sapagkat malayo sa sentro ng party. naging problema din na ang mga OJT na sumama ay hindi nabigyan ng atensyon kung kanino sasama kaya karamihan sa kanila ay kanya-kanya na lang ng hanapan ng masasamahan na cottage.masuwerte ang ilan dahil nakakuha sila ng magandang puwesto sa itaas samantalang yung ibang nasa baba ay nagtiis na lamang na malayo sa lugar.

isa pa ring kapansin-pansin sa mga corporate outing na ito ay hindi pa rin nakikita ang pagsasama-sama ng iba'tibang division ng kumpanya. hindi natin nakikita ang pakikihalubilo ng bawat isa sa iba't-ibang division. siguro kapabayaan na rin ng ating mga superior na ma-unite ang bawat isa dahil na rin siguro na hindi naman talaga gumagawa ng effort ang top management na makihalubilo sa mga rank and file niya. kung kaya't mas lalong nakita natin na hindi talaga buo ang kumpanya.

nandoon pa rin ang mga ilang insidente ng mga nagkakainitan ng ulo gawa na rin siguro na lango sa alak ang mga nagsasaya sa outing. hindi ba lasing din noon si maton na angel dimalanta ng ito ay maghari-harian at manakit ng kapwa niya team member last year? isang malaking problema ang hindi madisiplina natina ang mga sarili sa pag-inom ng sobra sa mga okasyon na ganito. kaya't paulit-ulit na nangyayari ang mga ganitong insidente ng karahasan.

gaya ng inaasahan ay naubusan ulit ng pagkain ang mga kasamahan natin nung dumating ang tanghalian at kinailangan pang maghintay para makakain. bagamat madami ang hindi dumalong regular sa outing at karamihan pa sa mga dumalo ay trainee, pero hindi pa rin naging sapat ang paghahanda sa pananghalian upang matugunan ang pagkain ng mga kasama natin. kakulangan sa preparasyon ang pangunahing dahilan sa mga problemang ito. siguro ay hindi rin nababagay yung kalidad ng lugar na pinagdausan ng outing ng Toyota sa dami ng mga empleyado nito kasama na ang pamilya at mga OJT.

naging kapansin pansin na talaga ang pagbaba ng kalidad ng mga summer outing ng Toyota kumpara ang mga outing na ginanap noong panahon ni G. Mitake. siguro napapanahon na upang seryosohin na ayusin ang mga problemang ito dahil nakikita ang pagkakaisa sa loob ng Toyota kung matagumpay ang mga outing.

napapanahon na siguro upang mapaganda pa ang mga outing natin. kung tunay lamang na aalamin ng kumpanya kung ano ang gusto ng mga team member ay siguradong marami na ang sasama sa mga outing na ito. kadalasan kasi na ang tunay lamang na nag-eenjoy sa mga outing na ganito ay yung mga "advance party" para sa outing. eto yung mga tao na malapit sa kapitalista kaya't sa tingin ng karamihan ay parang isang obligasyon na gawain na lamang na umatend ng outing upang makaranas man lang ng libreng ligo at hindi ang magkaroon ng pagkakataon na makahalubilo angManedsment, ang mga superior at ang mga karaniwang manggagawa at ng mga trainees at maramdaman nila na tunay na pinapahalagahan ng Toyota manedsment ang kanilang presensya.

bagong blog writer

dahil sa panawagan na may tumulong upang ma-maintain ang blog na ito, may kasamahan tayo na nag-volunteer upang tumulong.

asahan na patuloy na magkakaroon ng update sa blog natin at hinihingi rin natin ang partisipasyon ng mga kasama na magpadala ng comments sa mga blogs natin.

salamat at mabuhay ang uring manggagawa!!!

mabuhay ang manggagawa ng Toyota!!!

summer outing na balot ng takot

Summer outing na naman at panahon na naman ng mga sama-samangkasiyahan tulad ng Company Outing. Sa mga ganitong okasyon ating inaabangan na makipag-bonding sa ating mga kasamahan sa trabaho para makisaya sa kanila.

Pero sa tuwing darating ang summer outing sa Toyota ay palaging may kaguluhan na nangyayari, kaguluhang lagi na lang kinasasangkutan ng isang tao. Ang maton na si Angel Dimalanta.

Sariwa pa sa isipan ng mga manggagawa ng Toyota ang ginawa ng maton na ito sa isa nating kasama. Bisperas pa lang ng outing ay lango na sa alak si teroristang Dimalanta kaya war freak na pagdating ng Abril 22. Nanampal at nanakot ng isa sa mga kasamahan natin habang nagkakasiyahan sa outing. Maliban sa kasamahan natin na sinampal ay may mas nauna pang insidente kung saan hinaharrass niya ang ilan pang team member.

Ngayon, summer outing na ulit at ang tanong ng karamihan, “sino na naman ang mabibiktima ng pang-aabuso ni maton Dimalanta?”

Dahil siguro sa kahihiyang dulot ng maton na ito, ay pinagpayuhan daw ng manedsment na huwag na munang sumama sa outing si maton. Inaakala ng kapitalista na pag wala na ang maton ay makakalimutan na nila ang insidente at hindi na sila matatakot na sumama.

Pero paano makakalimot ang manggagawa kung patuloy niyang nakikita na protektado at kinukunsinti ng kumpanya ang maton sa kanyang mga kasalanan?

Isang taon na pero ni kuko man lang ni maton Dimalanta ay hindi man lang pinarusahan ng naaayon sa TMP handbook.

Nang ating kapanayamin ang humahawak ng kaso na si G. Sobrevega, ay parang nakukulitan na siya kung bakit patuloy nating hinahabol ang kaso. Sobrang bagal ang usad ng kaso at hindi nagkamali sa hinala ang mga manggagawa na hindi mapaparusahan ang may sala.

Natawa pa tayo ng isagot sa atin ni G. Sobrevega na “hindi niya magalaw si Angel Dimalanta dahil hindi naman sa loob ng kumpanya nangyari ang insidente ng pananampal at pananakot.” Eh bakit tinawag pa itong “Company Outing?”

Pakonti na ng pakonti ang nadalo sa ganitong okasyon dahil sa mga insidenteng ito. Ang mga “organizer” ng outing katulad ni Dimalanta ay naglalasing bago pa man dumating ang manggagawang magsasaya.

Sa halip na kahalubilo ng mga manggagawa ang mga “Union Leaders” na ito ay nakikita nila na parang talaba na hindi maalis-alis sa tabi ng manedsment, na para bang pinagmamalaki nila na “dikit” sila sa manedsment.

Habang patuloy na ganito ang kultura sa Toyota ay malayo pa rin nating maabot ang pagkakaisa.

Habang patuloy na may maton na nagsisiga-sigaan sa loob ng pagawaan dahil “tuta” siya ng kapitalista, patuloy na lalaban ang inaaping manggagawa upang makamtan ang katarungan.

At hanggang hindi ina-address ng kumpanya ang mga lehitimong suliranin ng mga manggagawa ng Toyota, darating ang panahon na tuluyan ng walang sasama sa company outing ng Toyota.###

PAKI-BISITA ANG WEBSITE NATIN www.tmpcwa.org

Mapagpalayang bati sa lahat ng mga kasama sa 233,

Mungkahing bisitahin na lamang muna ang ating website sa www.tmpcwa.org dahil may inilabas tayong bagong balita galing sa Japan. Paumanhin dahil hindi natin madalas malagyan ng update ito dahil sa kakulangan sa ating panahon at wala tayong nakakatulong na staff para mag-ayos ng mga teknikal na pangangailangan natin sa kasalukuyan.

Kung may nais na magboluntaryo sa mga kasama na kabilang sa 233 para tumulong sa pag-maintain ng ating website dito sa blog ay mungkahing ipaabot agad sa ating mga lider para mabigyan agad ng instruction kung paanong makatutulong.

hanggang dito na lang muna t maraming at pagpupugay sa walang sawang pakikibaka!

TMPCWA-Temporary technical staff

Naka-post dito ang sulat ni Melchor Gonzales na kasapi ng TMPCWA. Ipinasa ito sa hearing ng Notice of Strike sa National Conciliation and Mediation Board - NCMB Region IV. Patunay lamang ito na ang kapitalistang toyota ay nagpapatuloy sa pag-atake sa TMPCWA at sa ating kasapian gamit ang kanyang mga Managers###

Here we post our letter to the management requesting for a dialogue. Please see the translated version to the other site of TMPCWA - http://www.tmpcwa.org .

TOYOTA MOTOR PHILIPPINES CORPORATION
WORKERS ASSOCIATION (TMPCWA)
1482 Elephant Street, Group 5, Fort Bonifacio, Makati City
Tel. No. 02-882-63-71 / Email: tmpcwa@edsamail.com.ph / tmpcwa1998@yahoo.com / Website: http://www.tmpcwa.org/ / http://wwwtmpcwa.blogspot.com/


Ika - 7 ng Pebrero 2007

Para kay: MA. CRISTINA AREVALO
H.R. Department Manager

Hinggil sa: Hiling na pakikipag-usap ng Grievance Committee ng TMPCWA

Pagbati!

Ang aming unyon TMPCWA, ay patuloy sa pagsusulong ng mga batayang interes ng mga manggagawa ng Toyota at bilang Unyon na may moral at legal na batayan ay kumikilos kami para sa hinaing ng mga manggagawa at katawanin sila na maisahapag ang kanilang mga problema o suliranin.

May mga idinulog sa aming pamunuan ang mga manggagawang rank and file na mga suliranin hinggil sa; Harrassment, Discrimination, Intimidation sa mga kasapi at mga lider ng TMPCWA sa loob ng Toyota.

Sa mga nabanggit sa itaas, hinihiling ng TMPCWA sa pamamagitan ng aming Komite sa Grievance ang isang pormal na pakikipag-diyalogo sa bagong H.R. Department Manager Ma. Cristina Arevalo, upang pag-usapan at agad na maaksyunan o maayos ang mga suliraning ito. Nais namin itong maganap sa ika-9 ng Pebrero 2007, sa ganap na ika-2:00 n.h., saan mang lugar sa loob ng planta.

Hinihiling din namin na payagan ng mga Superior ang mga kinatawan ng aming Komite at pansamantalang bigyan ng kahalili sa kanilang pwesto sa produksyon sa oras na nakasaad dito na sina Wenecito Urgel, Armando Ibanez, Domingo Javier at Jeff Pasamba.

Nais ng TMPCWA na pag-usapan ang mga bagay na ito sa antas ng relasyon ng manggagawa at ng Management, upang hindi na humantong pa sa mas malaking usapin at dag-dag na kaso.

Maraming salamat at umaasa kami sa mabilis na pagtugon ng Management na pagbigyan ang aming kahilingan.


Para sa manggagawa,

ED G. CUBELO